法律資訊
利益披露
最後更新：2026年10月
簡單講：
- 本站同 IBKR、Webull、富途 設有聯盟合作，你經本站連結開戶或完成指定要求，我哋可能會收佣金。
- 佣金由券商支付，本站唔會向你收取任何費用。
- 開戶按鈕嘅券商次序每次隨機排列，唔代表排名。
- 佣金唔會影響我哋嘅分析同結論。
一、合作券商
cashmate.hk（由 CoCo哥 營運）而家同以下券商設有聯盟（affiliate）合作：
- 盈透證券 IBKR — IBKR 開戶教學
- 微牛 Webull — Webull 開戶教學
- 富途牛牛 Futu — 富途 開戶教學
佣金嘅計算方式因券商而異，例如按成功開戶、入金或者推廣點擊計算。所有開戶優惠嘅內容、資格同發放，以券商官方最新條款為準。
另外，本站同 Surfshark VPN 亦有聯盟合作：經 CoCo哥 連結（優惠碼 COCOGOR）購買，我哋可能會收佣金，唔會影響你嘅價錢。
除咗以上券商，本站過往亦刊登過其他品牌嘅合作或推廣文章（例如 OSL、iFAST），相關文章會喺標題或者內文標明合作性質。
二、/go/ 連結點樣運作
本站所有券商開戶按鈕都唔會直接連去券商，而係先經過 cashmate.hk/go/券商代號，再自動轉往券商網站。連結會附帶來源頁面同位置（例如 /go/futu?src=offers&pos=top），等我哋知道邊篇文章、邊個位置帶來點擊，用嚟統計同核對佣金。
經過 /go/ 嗰陣，我哋會記錄點擊時間、券商、來源頁面同位置、你所在嘅國家或地區，同經雜湊處理嘅瀏覽器識別字串。我哋唔會記錄你嘅姓名或電郵，亦唔會將你嘅個人資料交俾券商。詳情請睇私隱政策。
呢啲連結全部標示「廣告 · 聯盟連結」，並加上 rel="sponsored"，讓搜尋引擎知道佢哋係商業連結。
三、券商次序隨機排列
文章同頁面入面嘅開戶框（broker box）每次都會一齊顯示 3 間券商，而排列次序會喺你每次載入頁面時隨機打亂，唔會因為邊間俾多啲佣金而固定排第一。開戶優惠比較頁嘅比較表按固定次序排列，同樣唔代表排名。
四、編輯獨立
深度研究、美股週報同市場監測係編輯內容，唔會收錢寫好話。我哋寫券商教學時，會盡量將好處同要留意嘅地方（例如入金留存要求、現金券要交易先用到）一齊講清楚。合作或者贊助內容會清楚標明，唔會扮成一般文章。
開戶框唔會出現針對個別股票嘅字眼；文章提及嘅股票只作分析用途，唔構成買賣建議，詳情請睇免責聲明。
五、廣告
本站顯示 Google AdSense 廣告。廣告由 Google 自動投放，我哋唔會逐個揀選，廣告出現唔代表我哋認可相關產品或服務。有關廣告 Cookie 同點樣拒絕個人化廣告，請睇私隱政策。
六、Patreon 會員
CoCo哥 喺 Patreon 經營會員社群，會員費係支持創作嘅收入之一。會員支持唔會換取對任何公司或者產品嘅正面報道。
七、香港同英國讀者
本站列出嘅開戶推廣係券商香港公司嘅推廣，主要面向香港居民；基於各地監管要求，部分推廣可能只會向香港讀者顯示。英國讀者開戶前，應該喺 FCA Financial Services Register 查核券商實體有冇獲得英國金融行為監管局（FCA）認可。
八、有問題？
對本站嘅商業關係有任何疑問，歡迎電郵 info@cashmate.hk。